إطلق صراح الماضي وبلاش تكون سجان

إطلق صراح الماضي

وبلاش تكون سجان

حبل الغياب دايب

ودواك هو النسيان

سيب القلوب ترتاح

العمر لسه براح

واليأس من الغايبين

بيدفن الاحزان

الماضي عمرة مايرجع

ودي حكمة الازمان

البعد عمرة ما يشبع

فبلاش تكون عشمان

#امين_الصفتي

دندن كمان ياوتر خلينا بيك نتغني

دندن كمان ياوتر خلينا بيك نتغني
يحلا معاك السهر والروح معاك تتهني
وبدل الاحزان ,,,وعيد ليالي زمان ..
دا لسه بالامكان إن القلوب تتهني #امين_الصفتي

يا صوتها يا النعناع ياعطرها الياسمين

يا صوتها يا النعناع ياعطرها الياسمين

في غيابها من الاوجاع بحس روحي سجين

لو اللقا ينباع كنت اشتريلها معاد

ونجدد الاعياد والفرحه تملا العين

#امين_الصفتي

ياشمس نورها بيحييني

ياشمس نورها بيحييني

بحبك جنه

يشوفها القلب يتهني

ولو كان حلم يكفيني

ولو في الدنيا سبتيني

وبكل ماقيكي بعتيني

لاهعمل للفرح رفه

عشان يطول ساعتين

ولا من حزني هتوفي

واسيبلي يومين

وراضي بتكويني

وبأحوالي وسنيني

ولو بالبعد قتلتيني

هعيش كأن مفيش .

كـأني مليش

كما الدرويش .

بعيش بيكي .

ولو أني بموت فيكي

لكن راضي

عشان أرضيكي ..!

#امين_الصفتي

الحكم اخر الجلسه .

الحكم اخر الجلسه .من لجنة الحكام
لكن صادر جلسه بين الخصوم حكام
#امين_الصفتي

سلام الروح مابيروح.

سلام الروح مابيروح. الا لروح بتسكنها
وهي وجودها وتكوينها .ولو مره تغيب عنها
من جسدها تروح ..!
#امين_الصفتي

هوا إنجرح علشان نجح في الحب

هوا إنجرح علشان نجح في الحب
عشمه ف فرح بس إندبح من القلب .! #امين_الصفتي

غايب والقلب فيه دايب وف عشفه تحلا الآه

غايب
والقلب فيه دايب
وف عشفه تحلا الآه
يامين يحلف يمين
علي قلبه ينسي هواه
غياب الحبايب ويل.
بس الامل حلاه
واسمع غنا المواوويل
الروح تروح وياه
يكفيها نظرة عين
بالحلم لو تلقاه
يا قلبي ليه تعشقه
وما شفت إلا جفاه
رد وصوته حريق
ازي تقول لغريق
وهو في ساعة الضيق
ينسي اللي كان له نجاه
عذاب الهوي جنه فيها القلوب تتهنى
وتقول كمان الله
ياللي تلوم العاشق
لو يوم يموت القلب ..
إزاي تلاقو فيه الحياه ..!
#امين_الصفتي

الحب نعمة. بس أعمي.

الحب نعمة.

بس أعمي.

سعات كتير في الاختيار ..

ويبقي لعنه .

لما نعمي ونلاقي.

فيه الجنة نااااااار..!

#امين_الصفتي

حاسس بضعفك فيها طب هيه حساك إيه.؟

حاسس بضعفك فيها
طب هيه حساك إيه.؟
ضعفك عشان ترضيها
بكرة هتبكي عليه
إبعد وشوف تاثيرك
علشان تحل ضمير
من عهدها وياك
الضعف ده ذله..!
 لو هي مش حساك
ضعف القلوب مش موضه
ودي سنة العاشقين
لكنه نقطة سودء
في عشقنا لخاينين...!
#امين_الصفتي

الدنيا ما تكتمل ولاليها فينا أحباب

الدنيا ما تكتمل

ولاليها فينا أحباب

فيها الوجع والامل

وكل شئ بحساب

كم مره كم محتمل

م اليأس فينا إتساب

وسعات جروح تندمل

من وهم كان كداب

يكفينا حسن العمل

اصل احنا فيها أغراب

دا مهما يطول الاجل

مسيرنا يوم لتراب

ولما يجيك الهم

إصبر وكن أيوب

لافيها لاخال ولاعم

بيغيرو مكتوب

وإعمل لروحك أم

لما تكون مكروب

في الشده ليك هتضم

وتفضل عزيز محبوب

#امين_الصفتي

من جرح واحد بس..معرفت حتي اعيش

من جرح واحد بس..معرفت حتي اعيش

فقفلت باب القلب ماسبت حتي الشيش

قلبي خلاص اتردع .ف هواكو شاف البدع

عشق البشر بقي وجع لو حتي من الدراويش...!

#امين_الصفتي

شكيت لرب البيت .. القدس واحواله

شكيت لرب البيت ..

القدس واحواله

وبكل روحي بكيت .

ع اللي بيجراله

يا سامعين القدس

وأنينه نبض حزين

ردوو عليه الشهده

من أهل حطين

مافي صلاح في العرب

من يوم ماهجرو الدين

من يوم ما رضيو الذل

والحال صبحت شين

حتي نسائهم أبت

تولد صلاح الدين

ياقدس مين ينصفك

سيف العرب مكسور

ف القلب صوت شكوتك .

والدم فينا يفور

لكن مافينا نغيتك

والخوف مانعنا نثور

#امين_الصفتي

ياهمس فيه كل الاغاني .يا نجمة تملا حياتي نور

ياهمس فيه كل الاغاني .يا نجمة تملا حياتي نور ..
انا بعشقك مهما أعاني لو حتي بنا ألف سور
يا أحلي وطن انا بسكنه .
لو حتي معني في السطور...! #امين_الصفتي

إتكلم .أو حتي قول آه

إتكلم .أو حتي قول آه

وإرخيلي حبل ودادك

يكونلي طوق ونجاه

أو إتلو عليه صلاتك ..

ساعة تريد موتي

أصل الخصام بينا

مفهش ايه حياه

#امين_الصفتي

#حتي_لايصداً_القلم هانت عليه دمعتي وفرح المناديل

#حتي_لايصداً_القلم
هانت عليه دمعتي وفرح المناديل ..
وكتمت أه شكوتي والحزن ليه دليل
عزة عليه الروح والقلب كله جروح
فحلفت عنه لروح لو حتي دمي يسيل
#امين_الصفتي

حتي لايصداً القلم .................... حضن الورق دافي

حتي لايصداً القلم
....................
حضن الورق دافي .
حبر القلم صافي .
كل الكلام شافي ..
لو قلبه كان عمران
زاده من كتافي ...
حبي وكان وافي
وقلبه كان حافي .
مادقت منه حنان
رده كله عتاب ..
وجوده زي غياب
وإن جه يدق الباب .
الاقيه معاه احزان
بنشبه الاحباب ..
سهر وليل وعذاب
ولامرة رق لقلبي
وخدني بالاحضان
الله يسامح الحب ,,
عضة وكات م كلب
من يومها يشكي القلب
وأعتب عليك يازمان
#امين_الصفتي

ببان القلب بتبان ... مقفوله بميت ترباس

ببان القلب بتبان ...

مقفوله بميت ترباس

ضلوع الصدر سجان ..

علي قلبي من الاحساس

ومهما يكترو الحراس

عينها بالهوي وسواس

مغزوله بشوق مياس

بنظرة حب تخطفني

وتقتلني في وسط الناس

#امين_الصفتي

أناب للغيرة ناب تعبان فلدغ القلب من جوا

أناب للغيرة ناب تعبان فلدغ القلب من جوا

وأنا جنون وفيه انسان شاف العشق فيه هوا...!

#امين_الصفتي

هتبوح.؟ فبلاش بالشعر تكون باكي بقوافي تنوح

هتبوح.؟

فبلاش بالشعر تكون باكي بقوافي تنوح

الناس محتاج لصوت ضحكه مش ناقص جروح

النغم الصادر في الاوزان...

لو حتي إتزين في الاحزان

بياثر دايما في الانسان وبيجرح روح

مش لازم ابدا في الاشعار نبكي ونوح

#كفيانا_جروج

#امين_الصفتي

مش صعب ابداً تتنسي و

مش صعب ابداً تتنسي وتنطوي بذكري
أنا كبريائي المبدا والحب فيك فكرة ..! #امين_الصفتي

متعتبوش . علي حلم عايش جوا جنه من الحروف

متعتبوش .

علي حلم عايش جوا جنه من الحروف

ومتحسبوش..

الحلم يوم لو ينكسر . أن الحياه كانت فاشوش

كلنا أحلام وعايشه والحياه أوراق وبايشه

والواقع رصاصه طايشه .. اسمها ظلم الظروف

#امين_الصفتي

مفيش أقلام بتخدعنا

مفيش أقلام بتخدعنا ولا الورق خوان
رفضت أخدع المعني كتبت الوجع إنسان #امين_الصفتي

شفت حاجه في الكلام .

شفت حاجه في الكلام .

الحروف مش حاسه بيها

شفت دمع ف السلام .

بس عينه بتداريها

كان وداعه في إبتسامه

ضحكة خاليه م السعادة

كان بيخنق طقل حبي

بس كان ناقصة الاراده

والوداع كان صراع .

بين حياه ضد موت

هو أصلا حد باع ..

قالها قلبه بالسكوت

وماعنده الحب مات

جه يجمل زكريات

جه يقولي بالسكات

النهايه وصلنا ليها
#امين_الصفتي

فوق حدود الوصف فنك حاجه أشبه بالخيال

فوق حدود الوصف فنك حاجه أشبه بالخيال
ده لان المعنــي منــك لامسه حســك بالدلال
صدقيني مش مجامـله الغـــزل لايـق عليكي
وكل حــــاجــه حلوه بيكي هي ايه للكمـــــال #امين_الصفتي

الحزن قال كلمتة في عنيها وإتوصي

الحزن قال  كلمتة في عنيها وإتوصي ..
وعيونها الحلوه فيه دابت
 مكحل عنيها في في النظرة  والبصه ..
كأنه تاج لولي  متسلطن علي الأصه 
إكمهنا حلوه ..
وحتي في الاحزان تشبه الغنوه
معرفش طعم الدنيا لو عني مرة  غابت..!
#امين_الصفتي

هل تكفي كلمة احبك ...؟

هل تكفي كلمة احبك ...؟
هل تعبر عن صرخات أطفال الحنين بقلبي
ام تستطيع ان تنصر جيوشي الاشتياق المهزومه هل يمكنها انقاذ جسدي الغارق في اللوعه
وهو يستصرخ جسدك ليكون له طوق النجاه في عناق
اه من شوقي وحنيني
هل تكفي كلمة أحبك وانا روح مبعثرة
والباقي مني يئن ضعفا ووهننا لأحتياجها للاكتمال فيك
ولكن لااملك الا كلمة احبك
افوضها وهي اضعف من تعبر عن اشتياقي وافتقادي واحتياجي اليك...!
#امين_الصفتي

ياما تداري الخــــلايق فن الواو

ياما تداري الخــــلايق
والردي فضحه كـلامه
ع الهيبه عمرة مالايق
ولاحتي رفعه عــلامه
حتي مابين الخــلايق
ماينشر أبدا ســــلامه

..............
ياما تداري الخــــلايق
والردي فضحه كـلامه
ع الهيبه عمرة مالايق
ولاحتي رفعه عــلامه
......
ع الهيبه عمرة مالايق
ولاحتي رفعه عــلامه
حتي مابين الخــلايق
ماينشر أبدا ســــلامه
...
الردي فضحه كـلامه
ع الهيبه عمرة مالايق
ولاحتي رفعه عــلامه
حتي مابين الخــلايق #امين_الصفتي

كنت تخبئ لي الكثير وكنت أفرح بكل مفاجائتك

كنت تخبئ لي الكثير

وكنت أفرح بكل مفاجائتك

حتي جاء قرارك الاخير

كنت دائما كالطفل أفرح بلقاءاتك

وكانت كالهدايا.. تفرحني كطفل صغير

اليوم أصبحت حزنا كبير

لماذا ..؟

إغتلتني بالرحيل ...!

#امين_الصفتي

القلب تغني بمن بالعشق اوهمه

القلب تغني بمن بالعشق اوهمه .والفرح يوما لم يدانيه
وإن كانت الاحزان تسكنه ..فكل الاسي من بعد من فيه, #امين_الصفتي

لو تدور جوا منك .؟ راح تلاقي حد تاني متعرفوش

لو تدور جوا منك .؟

راح تلاقي حد تاني متعرفوش

حد سابك غصب عنك.

من الزمن او م الظروف

احنا أصلاً حد سرقه الماضي منا

يس ساكتين من الكسوف

لو مش مصدق

بص صح ف المرايه كتير ودقق

احتمال تلاقي نقسك

بص ليها كتير وحقق

راح تلاقي جوا منك

حلم تايه في الزمان

والاماني بواقي منها

غايبة عنك في المكان

بس حاسب..؟

بس حاسب تنسي نفسك في المرايه

والمرايه هي دنيا .

واحنا فيها ابطال روايه

انت اصلاً فصل واحد

صعب تهرب م التواحد

او تكون في النص جاحد ..

للوهبوك الامان

لو لقيت فيها دورك حدتاني متعرفوش

متعشوش ...

بس بردو متقتلوش

انتقد بشويش ادائه

وإحتمل طيبتة وغبائه

واما تلقي فيه شرور

يبقي بالايمان دوائه

ساعته بس تلاقي نفسك

وتعيش معهاه عمرا تاني معشتهوش

#امين_الصفتي

ورقه وقلم خدعوني .

ورقه وقلم خدعوني ..وقالولي إحكي وقول

فضلت أفضفض وأشكي يمكن أقلاقي حلول

كتبت سطر حنين

وكتبت إني حزين

وشويه جبت الماضي

كلامي كان ع الفاضي

الكل قال معلهش ..وفضلت أنا المقتول ...!

#امين_الصفتي

قولتلك .؟ درب الفراق عتمة .. ميقدش فيه كبريت

قولتلك .؟
درب الفراق عتمة .. ميقدش فيه كبريت
العشق فيه يتقتل ..يطلعله ميت عفريت
اديك رجعت حزين ....!
أخدت إيه ياعبيط ..؟
#امين_الصفتي

آن الأوان يافراق ..

آن الأوان يافراق ..بس قلبي مش راضي

رافض يموت العشق ..أو حتي يكون ماضي ..

وإنتا قلبك حجر ..

وكأن مش م البشر

م العشق كان فاضي

ياريت فراق تكون عادل

مادم رضبت تكون قاضي ...!

#امين_الصفتي

الحلم بيكي بيترسم جنة بتسكنها الاماني

الحلم بيكي بيترسم
جنة بتسكنها الاماني
والقلب فيكي يتقسم
والروح تعاني
وانا بين وبين
خوفي عليكي والحنين
بفضل حزين .مش ببتسم .!

#امين_الصفتي

طب ليه تلوم ع إنجرح .

طب ليه تلوم ع إنجرح .. وتقول عليه خوان

إنه في لحظة يتقلب .... وتشوف مش إنسان

وإحنا يادوب حبة مشاعر مزروعه في الابدان

الكلمة فيها بتتبدر،، الطرح ليها يبان

يعني هديني فرح،،، تلاقيني نهر الحنان

وما بفعلك أندبح ,,تلاقيني ميت شيطان

#امين_الصفتي

قلم العتاب إتقصف ..

قلم العتاب إتقصف ..خوفاً علي الأحباب
ألم الغياب إتنصف .من دقه علي الابواب
نَص العتاب إتخذف ونسينا طلب الأسف
ووقفنا ف المنتصف رجعت قلوبنا شباب
#امين_الصفتي

كل اللي حب إتخان ..

كل اللي حب إتخان ... كتب السطور أحزان
كل اللي كان ع الشط ..بيحسد الغرقان ...! #امين_الصفتي

حكايتنا تشبه بعضها

حكايتنا تشبه بعضها كشكول قديم فوق الرفوف
في دفئها او حزنها سطور كتير مليان خوف
وشوش تدور ع اللي فات
مسجونه جوا الذكريات
متهومه بين لعبة قدر او سوء ظروف
#امين_الصفتي

يتعافي ليلي بك من الاحزان

يتعافي ليلي بك من الاحزان ... وينجو من المرور في أزقة الماضي
واتعافي أنا من ثرثرة الافلام الهابطه ..والافكار المنحلة .ومعاقرة الهاتف ...
يجيد القلم في وصفك العزف علي اوتار الجمال ..و ينتهي المجاز في المعاني
حين يتمني الخيال والجمال أن يكونون أنت ,,,!
#امين_الصفتي

الشعر لو يوصفك .

الشعر لو يوصفك .. يملي السطور بالضي
وأنا لو أأقول وانصفك ... ياللي ماليكي زي
أكتب بدمع العين واعلم العاشقين
أنا عشت ياما سنيين لكن ماكنتش حي
من يوم ماشفت هواكي لقيت هناي معاكي
وصبحت عود أخضر وإنتي اللي ليه المي
#امين_الصفتي

مين اللي قال الحب محتاج شهور وسنين

مين اللي قال الحب محتاج شهور وسنين
انا عشقي كان من لحظة ومعاها نظرة عين
سلمت روحي وقلبي وبقيت في عشقه سجين
اللحظة كانت أب والنظرة كانت ام
علي حرف فوق السطر العشق ليهم ضم
ساعتها بس اتولدو حسو الحياه الاتنين
#امين_الصفتي

مين اللي قال الحب محتاج شهور وسنين

مين اللي قال الحب محتاج شهور وسنين
انا عشقي كان من لحظة ومعاها نظرة عين
سلمت روحي وقلبي وبقيت في عشقه سجين
اللحظة كانت أب والنظرة كانت ام
علي حرف فوق السطر العشق ليهم ضم
ساعتها بس اتولدو حسو الحياه الاتنين
#امين_الصفتي

من غير فواتير دفعت كتير

من غير فواتير دفعت كتير .

والكل بطبعه النسيان

لو كان البايع عندة ضمير....

لو رد الباقي من غير تأخير .

كان ممكن أشتري إنسان ..

لكن ياخسارة الاحسان.

الكل بياخد ولايشكر
ولا مرة لحنانك يذكر

مع انه مقيد في الدفتر
علي إنه اوفي الخلان

لوناوي تعشق من قلبك
وهتدي الروح للي يحبك

خد مني نصيحه وبقولك
خد من اللي يحبك قواتير
#امين_الصفتي

بيني وبينك وطن الكل فيه عايشين

بيني وبينك وطن الكل ليه حاميين 
بس الضمير إندفن والشعر في الزنازين
مين اللي قال الجندي هو الوحيد البطل
ونسيت طبيب ومهندس وفواعلي فيها إتقتل
دا في كل شبر ميدان ياللي نقاق هطل
مش كل حد إتسطل يخون الباقيين
#امين_الصفتي

ألا يكفيكي سهام عينيكي

ألا يكفيكي سهام عينيكي..
تعزو قلبي كجيش الفرس والروم ...
وأني في هواكي أسير مهزوم ...
لقد رفعت كل راياتي البيضاء
وإعترفت في كل خطاباتي الزرقاء
اني حتي في القرب أشتاق إليكي...! #أمين_الصفتي

أما بعد

أما بعد

فمازلت أحبك رغم البعد

وتتوالي قذائف الحزن علي قلبي

والروح منذ رحيلك لم تذق طعم السعد

ومن جهة إخري

ليس في دنياي أمرأة إخري

فمازلت علي العهد

والحنين يعصف بالقلب

وفكري كسماء والاشتياق صواعق ورعد

أما بعد

فليس بعد الموت بَعد

أنتظر أمطار حضورك

أنتظر إنقاذك لكل مشاعري من الصقيع والبرد

#امين_الصفتي

إكسر ف قلبك

إكسر ف قلبك اي خوف
لو ناوي توصل للقمر
متسبش حلمك للظروف ..
وترمي عجزك ع القدر #امين_الصفتي

كل الزهور بتبوح...

كل الزهور بتبوح... والعطر ساكن خدها
ودي زهرة فلبها مدبوح.. والدمع ليها لوحدها ..! #امين_الصقتي

مازلت أطالع في وجهك كتاب الشعر والمطر

مازلت أطالع في وجهك كتاب الشعر والمطر
ومازلت أتعلم من اوصافك كيف بعزف الوتر
وبعد ألف قراءة للفصل الاول من الغزل
أيقنت أن أول وصف لك سمي به القمر.....!
#امين_الصفتي

مستخبي جوا منك

مستخبي جوا منك . حد سابك من زمان
رغم إنه إتخلي عنك بس روحك ليه مكان
حد ساايب فيك ملامحه
في المرآيا معاك تبان
ومهما نكدب او نبرر.. الحقيقه انه خان
لو ف يوم تستغني عنه . راح تحس بالأمان
#امين_الصفتي

انتا مجرد حد برتاحله .

انتا مجرد حد برتاحله .بحاول أقوله إني بيه مهتم
لوحدها روحي بتروحله . فتفرح مهما كــان الهم
بشوفك واحدة في الوحده
في عز الحزن ليه تضم
ِ#امين_الصفتي

قالو الحياه هنـــا للــــي يماشـــي المــوج

قالو الحياه هنـــا للــــي يماشـــي المــوج
قلت دي مطحنه واخدانا فوج ورا فـــوج
شفت الصحاب بقو عدا وإتغيرت أفئــــده

وربي خلقني كده معرفش أعيش معووج #امين_الصفتي

حتي الدموع وقت الوداع قدام عنيكي بتبتسم

حتي الدموع وقت الوداع قدام عنيكي بتبتسم

خايفه تشوفي الحزن فيها فتترسم

لؤلؤ وطارح علي الخدود ... حالف لحبك ينتصر

رغم ان قلبي اللي حبك بالفراق قلبه انكسر

#أمين_الصفتي

من نظرة يادوب .

من نظرة يادوب ..لقيتني بدوب.. أصل القلوب.. النظرة تعرف سرها..! #امين_الصفتي

حروف في محراب ملكه

بين كل حرف وحرف

تتشابك الحروف حول الحرف الذي سيكتبك

لتهنئه علي إسمك

بين كل كلمة وكلمة

تتباري الكلمات كالفرسان

لتفوز إحداهم بوصفك

بين كل قصيدة وقصيدة

تتنازع القصائد

لتتوج احداهما ملكة بعرش حسنك

يا حلوة الحلوات يامن ترتديكي قصائدي

حليا ومجهورات ..

يامن ارتديها عشقا واشتياقا وآهات ....

ياحلوة الحلوات البعد عنك كخروج ادم من الجنات

يا حلوة الحلوات ... يا مخبئة في جمال الكلمات .

يامخبئة في عطري وفي ليلتي .وفي الدمعات ..

يا حلوتي يامن ترقصين في دخان سجائري و تسافرين في خاطري..

وفي خطوط يدي امنيات ..

ياوجه القهوة وضحكة مضيئة القسمات

لو كنتي يا طفلتي في حياتي

لاصبحت رساما

وموسيقيا

واصبحت شاعرا يفتن الكلمات

لو كنتي يا طفلتي في حياتي

لامتلكت كل مدن الملاهي

وكل مدن العطور وملابس السهرات

أخبريني كيف تخبئين مدينة باريس في عينيكي

وكيف تخرجين مارد الشعر من كهوف الخيال

يا ساحره

نبئيني كيف يصير الحرير في يديك جنة يتمني الدفئ ان يسكنها ولو لحظات

#امين_الصفتي