مين اللي قال الحب محتاج شهور وسنين

مين اللي قال الحب محتاج شهور وسنين
انا عشقي كان من لحظة ومعاها نظرة عين
سلمت روحي وقلبي وبقيت في عشقه سجين
اللحظة كانت أب والنظرة كانت ام
علي حرف فوق السطر العشق ليهم ضم
ساعتها بس اتولدو حسو الحياه الاتنين
#امين_الصفتي

مين اللي قال الحب محتاج شهور وسنين

مين اللي قال الحب محتاج شهور وسنين
انا عشقي كان من لحظة ومعاها نظرة عين
سلمت روحي وقلبي وبقيت في عشقه سجين
اللحظة كانت أب والنظرة كانت ام
علي حرف فوق السطر العشق ليهم ضم
ساعتها بس اتولدو حسو الحياه الاتنين
#امين_الصفتي

من غير فواتير دفعت كتير

من غير فواتير دفعت كتير .

والكل بطبعه النسيان

لو كان البايع عندة ضمير....

لو رد الباقي من غير تأخير .

كان ممكن أشتري إنسان ..

لكن ياخسارة الاحسان.

الكل بياخد ولايشكر
ولا مرة لحنانك يذكر

مع انه مقيد في الدفتر
علي إنه اوفي الخلان

لوناوي تعشق من قلبك
وهتدي الروح للي يحبك

خد مني نصيحه وبقولك
خد من اللي يحبك قواتير
#امين_الصفتي

بيني وبينك وطن الكل فيه عايشين

بيني وبينك وطن الكل ليه حاميين 
بس الضمير إندفن والشعر في الزنازين
مين اللي قال الجندي هو الوحيد البطل
ونسيت طبيب ومهندس وفواعلي فيها إتقتل
دا في كل شبر ميدان ياللي نقاق هطل
مش كل حد إتسطل يخون الباقيين
#امين_الصفتي

ألا يكفيكي سهام عينيكي

ألا يكفيكي سهام عينيكي..
تعزو قلبي كجيش الفرس والروم ...
وأني في هواكي أسير مهزوم ...
لقد رفعت كل راياتي البيضاء
وإعترفت في كل خطاباتي الزرقاء
اني حتي في القرب أشتاق إليكي...! #أمين_الصفتي

أما بعد

أما بعد

فمازلت أحبك رغم البعد

وتتوالي قذائف الحزن علي قلبي

والروح منذ رحيلك لم تذق طعم السعد

ومن جهة إخري

ليس في دنياي أمرأة إخري

فمازلت علي العهد

والحنين يعصف بالقلب

وفكري كسماء والاشتياق صواعق ورعد

أما بعد

فليس بعد الموت بَعد

أنتظر أمطار حضورك

أنتظر إنقاذك لكل مشاعري من الصقيع والبرد

#امين_الصفتي

إكسر ف قلبك

إكسر ف قلبك اي خوف
لو ناوي توصل للقمر
متسبش حلمك للظروف ..
وترمي عجزك ع القدر #امين_الصفتي

كل الزهور بتبوح...

كل الزهور بتبوح... والعطر ساكن خدها
ودي زهرة فلبها مدبوح.. والدمع ليها لوحدها ..! #امين_الصقتي

مازلت أطالع في وجهك كتاب الشعر والمطر

مازلت أطالع في وجهك كتاب الشعر والمطر
ومازلت أتعلم من اوصافك كيف بعزف الوتر
وبعد ألف قراءة للفصل الاول من الغزل
أيقنت أن أول وصف لك سمي به القمر.....!
#امين_الصفتي

مستخبي جوا منك

مستخبي جوا منك . حد سابك من زمان
رغم إنه إتخلي عنك بس روحك ليه مكان
حد ساايب فيك ملامحه
في المرآيا معاك تبان
ومهما نكدب او نبرر.. الحقيقه انه خان
لو ف يوم تستغني عنه . راح تحس بالأمان
#امين_الصفتي

انتا مجرد حد برتاحله .

انتا مجرد حد برتاحله .بحاول أقوله إني بيه مهتم
لوحدها روحي بتروحله . فتفرح مهما كــان الهم
بشوفك واحدة في الوحده
في عز الحزن ليه تضم
ِ#امين_الصفتي

قالو الحياه هنـــا للــــي يماشـــي المــوج

قالو الحياه هنـــا للــــي يماشـــي المــوج
قلت دي مطحنه واخدانا فوج ورا فـــوج
شفت الصحاب بقو عدا وإتغيرت أفئــــده

وربي خلقني كده معرفش أعيش معووج #امين_الصفتي

حتي الدموع وقت الوداع قدام عنيكي بتبتسم

حتي الدموع وقت الوداع قدام عنيكي بتبتسم

خايفه تشوفي الحزن فيها فتترسم

لؤلؤ وطارح علي الخدود ... حالف لحبك ينتصر

رغم ان قلبي اللي حبك بالفراق قلبه انكسر

#أمين_الصفتي

من نظرة يادوب .

من نظرة يادوب ..لقيتني بدوب.. أصل القلوب.. النظرة تعرف سرها..! #امين_الصفتي

حروف في محراب ملكه

بين كل حرف وحرف

تتشابك الحروف حول الحرف الذي سيكتبك

لتهنئه علي إسمك

بين كل كلمة وكلمة

تتباري الكلمات كالفرسان

لتفوز إحداهم بوصفك

بين كل قصيدة وقصيدة

تتنازع القصائد

لتتوج احداهما ملكة بعرش حسنك

يا حلوة الحلوات يامن ترتديكي قصائدي

حليا ومجهورات ..

يامن ارتديها عشقا واشتياقا وآهات ....

ياحلوة الحلوات البعد عنك كخروج ادم من الجنات

يا حلوة الحلوات ... يا مخبئة في جمال الكلمات .

يامخبئة في عطري وفي ليلتي .وفي الدمعات ..

يا حلوتي يامن ترقصين في دخان سجائري و تسافرين في خاطري..

وفي خطوط يدي امنيات ..

ياوجه القهوة وضحكة مضيئة القسمات

لو كنتي يا طفلتي في حياتي

لاصبحت رساما

وموسيقيا

واصبحت شاعرا يفتن الكلمات

لو كنتي يا طفلتي في حياتي

لامتلكت كل مدن الملاهي

وكل مدن العطور وملابس السهرات

أخبريني كيف تخبئين مدينة باريس في عينيكي

وكيف تخرجين مارد الشعر من كهوف الخيال

يا ساحره

نبئيني كيف يصير الحرير في يديك جنة يتمني الدفئ ان يسكنها ولو لحظات

#امين_الصفتي

أحب صوتي ف إسمك

أحب صوتي ف إسمك
وأعشق خطوط رسمك
الله يانغم الروح
بتداوي فيه جروح
لما بإسمي تبوح
وأسمعه من همسك
#امين_الصفتي

الحاضر مضروب برصاصه .

الحاضر مضروب برصاصه .من ماضي قناص ولئيم
لا أيـامـه بيمـوت فيهـا بكـــره .ولا لحظـة بتعـدي سلـيم
متـربص بينـا فـي الوحـده ..ولايفـرق واحـد او واحــده
الكـل في مــرمي طلقاتـه ..ومظبـط وقتـــه وحسـابـتـه
ولامرة في نيشان يخيب ...ولاتلقــــا للـماضـــي طبــيب
وأغلبنا مغلــوب علي أمــره ..يتعايش مــع جــرح قـديــم
فه جـرحه واقــف للفــــرح ...وكــأنه فـــي العمـــر يتيــم #امين_الصفتي

فيروز ع الشط تغني .

فيروز ع الشط تغني . والليل بيعزف مواويل
.بحر الهوي لما فتني .. غرق دموعي المنديل #إسكندريه يا قدرنا ...جار الهوي فيكي غدرنا
شبكنا وبفرحه هجرنا .والقلب من يومها عليل #امين_الصفتي

نايمه في حضن البحر.. والشط دايب فيها مالكه الجمال والسحر . والدنيا تشهد ليها ... اسكندريه دي اجمل ست العشق مخلوق ليها #امين_الصفتي

نايمه في حضن البحر..

والشط دايب فيها

مالكه الجمال والسحر .

والدنيا تشهد ليها ...

اسكندريه دي اجمل ست العشق مخلوق ليها

#امين_الصفتي

من فرت ما انا فيه من خيبة

من فرت ما انا فيه من خيبة كنت ألومني واسوق لك الاعذار
وكلما وعيت لنفسي يخالطني الحنين واقول انها مشيئة الاقدار
من فرت غبائي ..
كنت اوقد شموع الحرف في محراب وصفك
حتي ظنك الاخرون قديسه ..
وعندما ذكرت جرحك لي كادو يطالبونني باعتذار
هل هناك قديسه تجبر احد علي الانتحار
فعلتي ذالك لكن الموت أبا لتنتقم مني بالذكريات
وصرت مصلوبا بماضيكي ويرجمني الحنين بالاحجار
بئسا لي من عاشق... ألقي بنفسه للنار
#امين_الصفتي

غني .؟ ربما الاوتار تغني .

غني .؟
ربما الاوتار تغني ..تحدث عنك وعني
أنا لحنا شجياُ ..مات في حلم التمني ...! #امين_الصفتي

كل الكلام وقت الخصام

كل الكلام وقت الخصام يشبه حالات الانفصام.؟

الكل ظالم وإتظلم

مع إننا بعد الفراق نصبح سواء..

إتنين بيصرخوا من ألم

كل الكلام بعد الخصام تكسير عظام

وقت الفراق م الاشتياق نشبه لطفل بيتفطم

أتفه سبب كان الغضب خلانا حاله للجهاله والحب ساكت كالصنم .

فقنا قوام .وكأننا كنا نيام

شفنا روحنا من بعيد ... نجوم بيحجبها الغمام

شفنا فينا الحب باكي قصر يشكي م الحطام

كنا بنبكي من الوجع ... ومحسناش جرح الالم . غير في الندم

كل الطنون اتفندت .. كل المشاعر عذبت روحنا اللي كانت مخلصه

كلمة فراق كانت مجاز ..صبحت حقيقة للقلم

وبقينا غنوه من نشاز ..اللحن فيها بيتعدم

وبقينا روح ملو الجروح فيها الحياه شبه العدم

#امين_الصفتي

ياللي خدودك نهرين عسل .دوبو فيهم كأس المرار

ياللي خدودك نهرين عسل .دوبو فيهم كأس المرار

كل ليل يولد نهار .وانتي ليلك طلقه مات م الانتظار ..!

#امين_الصفتي

فارشين قلوبنا سلام .

فارشين قلوبنا سلام ..بنادي ع الاحلام ... مهما تجيب ليام ... بردو بنسامح #امين_الصفتي

وكالعادة .؟ تحب ياقلبي بزياده ..

وكالعادة .؟
تحب ياقلبي بزياده ..
وتطلع هي كالسادة ...
ماعرفت مرة طعم الحب .! #امين_الصفتي

في مآقي الوفود والسفراء إ

في مآقي الوفود والسفراء
إنتحرت العروبه داخل سرادق العزاء
وداس المشيعون جسدها بالدموع والبكاء
ولا عزاء لأحياء السماء ...
نحن نعزي قصائد درويش .. وشجر الزيتون وقانا وطور سيناء
#امين_الصفتي

من الاخر.. قطار البعد مش فاخر

من الاخر..

قطار البعد مش فاخر..

ولابيوصل لبر امان

بيسرق روحنا ويسافر

ويرمهيا علي الحرمان

قطار البعد دا كافر

بكل مشاعر الانسان...

#امين_الصفتي