انا ضيف في الدنيا ومعزوم

انا ضيف في الدنيا ومعزوم علي حبة احزان وهموم

واحزاني مفروضه عليه ...والوجبه بتنزل باليوم

#امين_الصفتي

الحبيبه أحلي فرخه

الحبيبه أحلي فرخه

والديووك ببنهشوها

والديوك صبحو كلاب

بعد الاكل مصمصوها

لما صبحت نكته بياخه

لليدفع أجروها

وما صبحت تايهه دايخه

علي الحبايب قسموها

الحبيبه أحلي فرخه

قدام عنينا بيدبحوها

#امين_الصقتي

من غيرجمايل زمنا مايل والندل فيه بيتحكم

من غيرجمايل زمنا مايل والندل فيه بيتحكم

تدادي تحايل الظلم غايل وانتا للطيبة تتحكم

عهد الطيابه دين وصكوك عند اللي حبوك

سيب يا قلبي اللي سابوك. وسيب العقل يتحكم

#امين_الصفتي

الظروف يمكن بتكسف

الظروف يمكن بتكسف بس ليها أفضال كتيرة

ف الشدة لينا بتكشف..إللي لابس وجه عيرة ..!

#امين_الصفتي

الهوي دخان وأزرق زي حتة الحشيشه

الهوي دخان وأزرق زي حتة الحشيشه .

حبه حبه يملي صدرك زي قهوه ويا شيشه

لما يضرب في الدماغ

بعدها بيجيب صداع

تبقي تايه جوه نفسك

كان جواك انسان وضاع

والظروف تعمل كمين

وتلقي حكم بالوداع

بعدها بتعيش حزين جوا زنانة السنين

تبقي حي زي ميت وإسمها في الدنيا عيشه

الهوي دخان وأزرق زي حتة الحشيشه .

#امين_الصفتي

الوحدة دي واحدة عاميه بتلطش في خلق الله

الوحدة

دي واحدة عاميه بتلطش في خلق الله

تضربنا بناس تانيه وإحنا نقول الاه

تلف بينا الدنيا

وتجيب سنين ف الثانيه

واللي بتضرب بيه إيدينا مش طايلاه

#امين_الصفتي

بتجمل صوره مكسورة

بتجمل صوره مكسورة
وشروخها جارحة البرواز
بترمم ف وجوه مبتوره
في زمان مفهوش الاعجاز
إنجاز الشعر يكون إعجاز
إرسملي وطن
متكونش الحياه فيه مجاز
#امين_الصفتي

مابين الصمت والرد تموت ضحكه ع الخد

مابين الصمت والرد تموت ضحكه ع الخد

مابين القرب والبعد قلوب ماتت ماتتعد

مابين قلبي وروحي مابين فرحي ونوحي

بلاقيك ملح في جروحي وبردو انت الشهد

#امين_الصفتي

إسالي قلبك يقولك

إسالي قلبك يقولك

إن عمر الابن ما ينسي أبداً إمه

مهما يراود حنين أو حض النسا يضمه

وإنتي لقلبي أم .دايماً ينام علي ضلك

#امين_الصفتي

وفين يروح الجسد

وفين يروح الجسد والروح دايبه فيك

نظمت حروفي مدن

مالقيت لروحي وطن إلا في حضن عنيك

#امين_الصفتي

عيش اللحظة وسيبك م اللي فات

عيش اللحظة وسيبك م اللي فات

داياما ناس ماشيه لكنهم اموات

الفكر اصله اكبر مصيدة

واللي بيسقط فيها بتاكله الذكريات

وعجبي

#امين_الصفتي

أيه الجديد كل القلوب صبحت حديد

أيه الجديد كل القلوب صبحت حديد

#امين_الصفتي

وايه يفيد الولد لما يسح دمه‬

وايه يفيد الولد لما يسح دمه ..

عير دمع عيون صحبته ..

وقولت اه من قبر يضمة

اذا كانت الاطان غاوية الدعارة

قولو لإبن الامارة

يعيش جبان ويموت في حضن وامه

#مين_الصفتي‬

معدش فينا نخوه ولاعدش لينا عزه

معدش فينا نخوه ولاعدش لينا عزه
معدش بين الاخوة من ينصرك غزة
أعدادنا بالملايين لكننا مساجين في أمه عربيه
سامحينا يافلسطين معدتش فينا يقين والدم بقي ميه ‫#‏امين_الصفتي‬

نظمنا القصيد حزنا ودمعاً

نظمنا القصيد حزنا ودمعاً
سطورا ثكلي تبكي الفراق
أصاب الفؤاد بموتا أليما
بسهم رماه بقوس هواك
آيا ناشداً بالغرام عيشا رحيما
وتأمل بطيب الهوي مناك
ابحت فؤادي للحبيب نديماً
فنلت من هواي ذلا الهلاك
‫#‏امين_الصفتي‬

السعادة طيف قديم كان زمان ساكن الوشوش

السعادة طيف قديم كان زمان ساكن الوشوش

لما هاجر شفت حزن ..

شفنت ناس للحياه لسه ماجوش ...!

#امين_الصفتي

الله يعين القلب

الله يعين القلب ع اللي سكنوه وفاتوه
جرحوه باسم الحب وللعذاب نسيوه
فاكرهم صبح ومسا ولايمشي دروب الاسي
مابين لعلا وعسي يفضل حنينه يتوه ‫#‏امين_الصفتي‬

في حضرة العهر .

في حضرة العهر .الصمت مطلوب
النهد لو كتب ...ترق كل القلوب ‫#‏امين_الصفتي‬

رغم اننا ولاد أدم

رغم اننا ولاد أدم لكن الدم مش هوه
فينا اللي عاش بالطيبه وفيينا اللي عاش بالقوه
وبقينا شئ مدهون متلونين ميت لون
أصدقنا بقي مسجون يوسف رموه ف الهوه ‫#‏امين_الصفتي‬

شاعر بيغني بحروفه

شاعر بيغني بحروفه .. والقلب ناي حزين
كسر بالغنا خوفه ... وفرح قلوب ملايين ‫#‏امين_الصفتي‬

الشاعر ينسج مشاعر‬

الشاعر ينسج مشاعر ويعزف الكلمات
ولما ييجي يهاجم بيعمل الاسقاط
بلاش تكون نشاز
الشعر أصله مجاز
وخلي حروفك وتر يعزف النغمات
‫#‏امين_الصفتي‬

ويذبحني هواك

ويذبحني هواك من الوريد الي الوريد
وأتلذذ الموت . وأقول هل من مزيد ‫#‏امين_الصفتي‬

أجمل كلام إنكتب

أجمل كلام إنكتب . في الحب والاشواق
بس الفراق حكم ... بالحزن علي الاوراق ‫#‏امين_الصفتي‬

باقي منك حجات .

باقي منك حجات ...يحكيها دمع العين
لو تتكتب كلمات... هتكون أهات وأنين
هي الخيانه طبع . ولاالبراء عيب
ولا زمانه عجيب مفهش بني ادمين
‫#‏امين_الصفتي‬

احنا شوية ذكريات .‬

احنا شوية ذكريات ... عاشت حلم وراح
احنا كلام ع الورق .بينادي ع الارواح ‫#‏امين_الصفتي‬

إقتربي أكثر يا قسوة الاحجار ‬

إقتربي أكثر
يا قسوة الاحجار وهدوء البحار
فلكم تكسرت أحجار من عناق الامطار
ولكم ثار بحر كي يرقص المحار
يا ألف بدر قلبي له المدار
ضميني قلكم إحتضر قمر لكي يعانق ضوء النهار ‫#‏امين_الصفتي‬

الدنيا أدوار ومشاهد

الدنيا أدوار ومشاهد
معروضه بسينما الازمان
من فينا قبل مايتشاهد
إتمنتج مفهوش أحزان
أغليتا بالابيض وأسود
ويابخت أللي يشوف ألوان
.
فيه واحد عايش دوبلير
بيدور دايما علي الخير
بيطبطب دايما ويحايل
ولامرة بيستني جمايل
غير يفرح بسعادة الغير
فيه واحد دوره الاحسان
مرسوم علي روحه بأتقان
من زيه بيصبح إنسان
.
وفيه واحد فيها بيمثل
بالطيب دايما يتمثل
متسهوك دايما متمسكن
والشر علي روحه أتفصل
تفتكره اطيب انسان
من كتر اجادة للدور
يتشبه بيه الشيطان
.

والعايش كل الادوار
دايما في حياته بيحتار
ولا مره بيحقق حلمه
ولايعرف لطريقه قرار
احيانا بيكون انسان
واحيانا بيكون تعبان
.
نهايتنا أسماء ومشاهد
ويابخت اللي في آخره إتشاهد
هينول الأوسكار في الجنه
بالخلد دايما يتهني
عاش عمره فيها بإيمان
بيؤدي دوره بأتقان
كان دوره عبد الرحمن ‫#‏امين_الصفتي‬

أتارينا فاترينا

أتارينا فاترينا... تكسرنا قلوبنا.
لو كتب الهوي يوم أسامينا.. ‫#‏امين_الصفتي‬

مابين الحرف والقهوه

مابين الحرف والقهوه ,,,.دفا وحضن أمان

أتاري الحرف علي سهوه ..قتلنا وعاش أزمان ...!

#امين_الصفتي

تفتكر السكوت نعمه ...؟

تفتكر السكوت نعمه ...؟

ولا إحنا اللي دماعنا وجعنا ....من كتر كلامهم صدعنا .

من كتر وعودهم بلامعني .. من كتر غناهم دمعنا ...ووعدهم كدابه ..

وسرابهم ضيعنا .

وصرخنا وسرحنا وصراخنا وجعنا ..

ونادينا علي الحق والعدل سمعنا ...

أحسنلك وأحسلني سكوت ,,,, الكلمه مبقتش بنبوت ..

قدامنا أكبر جبروت .. وسكوتنا مش خوف ..سكوتنا والله النعمه

#امين_الصفتي

كترت معادلاتك والحسبه تتعبها

كترت معادلاتك والحسبه تتعبها

تعبت حساباتي بطلت أعدلها .

لاهندسه ولاجبر

كسر القلوب

ماينفع معاه الجبر

ساعة الفراق سكه

وغدرك هو اللي عَدلها ....

#امين_الصفتي

هو احنا عنينا مغمضه

هو احنا عنينه مغمضه ولا اتعودنا علي الغباء
نرفض نعيش جنه لقاء ..ونروح ندور علي الفراق
 ‫#‏امين_الصفتي‬

الحب يابني لو سطور

الحب يا بني لو سطور

كانت البنات حب كتاب

الحب صدق في الشعور

وف هواه القلب داب

اما انتا سراب وبور

قلب عمرة ف يوم ماحب

نفس اقولك في دااهيه غور

بس ادبي منعني أسب

تفتكر القرب منك شئ جميل فيه الحياه

ولا انا شفت جنبك فرح قلبي وشاف هناه

انتا كنت زي فيلم خت فيه دور البطوله

بس ياحسارة الرجوله وهم وانتا منتهاه

انت سودت في عنيه شئ جميل اسمه حب

انتا كنت ليك زي هديه وانت كنت ليه ذنب

روح ياشيخ الله يسامحك دي الائسيه من ملامك

والغباء اني اسامحك او اعود معاك لدرب

بس فكر في اللي بعدي

واخلص للجاي في حياتك

هيه ملهاش اي ذنب

في اللي سود ذكرياتك

والحياه دي فيلم خام

راح تشوفه لحظة واحدة وانتا بتفارق حياتك

حاول تكون انسان جميل تبتسم ساعة مماتك

#امين_الصفتي

بحرفية الفنان ترسمك

بحرفية الفنان
ترسمك الذكريات بكل الالوان
ترسمك بالاثارة
بالانوثة
بملابس السهرة وأجمل فستان
بمهارة عازف الكمان
ياتي الليل بهمسك
قي كل إغنيه
في كل إمسيه
أعذب الالحان
فكيف يستطيع ان يمحي كل هذا
ذالك المدعي المسمي بالنسيان
‫#‏امين_الصفتي‬

عشرين ديوان للعشق ‬

عشرين ديوان للعشق
وما زال في حبك اكثر
وكل يوم حبك يينمو ويكثر
وصفته بكل الكلام
حتي الحلم بات منه يسكر
عشرين ديوان للعشق
ومازال حبك يطلب الدفتر
‫#‏امين_الصفتي‬

الحاصل ضايع ف صراع

الحاصل ضايع ف صراع

والغالب زي المغلوب

احيانا الحب معادله

تكسر قوانين النسبيه

ومشاعر قلب المحبوب

تصدق عن اصدق مكتوب

وسعات في القرب بتملكنا

رعشه تصدق عن صوتنا

وكللام لغرام من جوانا

اصبح ف حضورنا ممنوع

واحيانا نبقي علي فراق

وقلوبنا تبقي علي وفاق

تتلاقي تتعاتب ترجع

تلقينا كنا بنشتاق

يعني المسافات فاصل واصل

واحيانا تبقي اكبر فاصل

واحيانا تبقالنا مفاصل

من شوقنا بنرجع نتواصل

ولقانا يحل الموضوع

يعني المساله مش نسبيه

ولاحتي معادلة فيزيقيه

الحب لو يوم كان صادق

يكسر قوانين الاسباب

#امين_الصفتي

يا جاي طالب مغفرة

يا جاي طالب مغفرة

الاعتذار عكاز

لو كل الناس أوليه

ماكانو حجو الحجاز

ياكاتب حروف الحب... عتاب وانين

حروف العتاب شفي ..مش صكوك دين

ياغفلان عن اصول والحنان

وتاعب هواك ازمان

ياعازف اللحن

علي حجر صوان

الحب عمرة ما كان منه ولا إحسان

وإن كان ..؟

فالكبرياء يرفضه

لو جنة الرحمن

#امين_الصفتي

بنت اللذينا .. عامله حزينه .

بنت اللذينا ..

عامله حزينه .

وهي عملانه خدم

هادية ورزيه ..ومستكينه .

.ميهمهاش جرح والم

بنت اللئيمه دايماً كريمه

الحب اخرة عندها

ضرب الجزم

غاويه التباته ..

طالبه الشحاته

تمنح وتوهب للرمم

تضحك وترقص

للصوص

تمكر وترفس المحترم

من حبي فيها ...

بلوم عليها..

من غير ندم

#امين_الصفتي

نفس الملامح والوشوش متكرره ‬

نفس الملامح والوشوش متكرره
بعد الفراق القلوب متغيرة
مقسومين نصين ..
تايهين جوه الاسئله
إحنا مين
بعد الفراق بقينا إتنين
محتاجين نعيد حسابنا بالبرجل والمسطرة
‫#‏امين_الصفتي‬

رغم إن البعد فاصل.

رغم إن البعد فاصل.
والمسافه قاطعه واصل
إلا أن روحنا واحدة ..
عمرها ماحست بوحده
لانك ساكنه جوا مني
عمر لحظة ما غبت عني
إحنا ضرب روح في روح
والتوحد ليها حاصل

إوعي لحظة تفكري
إن الفراق مكتوب علينا
حتي يوم ماتقرري
علي البعاد وتقدري
هتلقيني جو منك
غصب عني وغصب عنك
عمره ما يقرق ما بينا ,,
عمره ما يقدر علينا
والبعاد مهما يقرر
القرار بيعود إلينا
إحنا نقدر..
نملك الفرح بإيدينا
وبإيدينا بردو نقدر
تجرح الدمعه عنينيا
بس عارفه لما أفكر
والقي جو مني خوف
بلقي حبي ليك أكبر
من الليالي و الظرف
فإنسي إني ممكن أبعد .
أو لحب يوم أخون
بالحساب وبالمقدر عمرنا مانهون علينا
عمرنا مانهون علينا . ‫#‏امين_الصفتي‬

ياللي عنيك بتبكي

ياللي عنيك بتبكي .. والقلب نبضه انين

دمعة عينك بتشكي .واللحن فيك حزين

إنسي ياورد وإقسي ماتبكي علي الخيانين

إجضن روحك بروحك وازرع فيها الامان

والجرح لو كان متعب بكرا يداويه الزمان

#امين_الصفتي

وجع القلوب مكتوب

وجع القلوب مكتوب ...وحروفه ما بتنساش

مهما نتوه ف دروب ....معــانا ما يسبناش

#امين_الصفتي

يادرويش

يادرويش
بادرويش ومتوضي بماء الصبر
وصبر العشق ما بيكفيش
ولا يئضي صلاة الليل
يا كاتب فصتك مووايل
ومواويل الغنا بتصبر قلب عليل
يادوريش ومتيمم بنور قنديل ...
وبعد الحبيب ميت ميل
ويميل عليك
فترسم الفصيده حياه في رحابها تعيش
‫#‏امين_الصفتي‬

باقي الامل في عنيه .

باقي الامل في عنيه ..بينور دروب ودورب
يمكن أكون مش ليه ..يس راضي بالمكتوب ‫#‏امين_الصفتي‬

سهرت ليل العشق

سهرت ليل العشق ..
وكتبت فيه كلمات
كم ذكري وكم جرح ..
والباقي كان دمعات
اصل حكاوي العشق
صبحت الم وانين
وياعيني علي العاشقين
ما بين حنين وأهات
‫#‏امين_الصفتي‬

العشق لحظة لذه .

العشق لحظة لذه ... بندفع تمنها سنين
من بعد شوق ومعزة . تصبح جفا وانين
ياللي نويت العشق فكر متين مره
قبل تدوق المره .. قلبك هيسعد فين ‫#‏امين_الصفتي‬

يا حابس في روحي الضحكه

يا حابس في روحي الضحكه
من يوم ماشفت عنيك
ودابح في قلبي وساكته
والغدر ما يكفيك
صالح حروف الصدق واتكلم
ياقاتل في عمري الفرحه بتألم
انصف مرة وكن عادل
دا الظلم من ظلمك بيتظلم
كدبت بشعرك وبحروفك
وبتحكي وبتشكي في ظروفك
ولاخفت من ربي عاليم
عارف سري وبيشوفك
انا مش هاعليك والوم
ولا عمري اسامحك يوم
لكن كلمها اقولهالك
الظلم عمرة يوم مايدوم
وساعة الحق بتقرب
مهما نبعد ونتغرب
والزمن اكبر حكم
بيكسر اللي يتجبر
‫#‏امين_الصفتي‬

مكاتيب الاصيل بالحكمة يزينها

مكاتيب الاصيل بالحكمة يزينها

العقل ساسه والكلمه دايما وزانها

اما الرخيص افعاله كله خبيث

والعيبه ف لسانه الخسيس دايم مخزنها

#امين_الصفتي

إرسم الاحلام حروف

إرسم الاحلام حروف

بالامل نور دروب

غني في أسوء ظروف

حتي في ساعة الغروب

بس إوعي تبقي زيف

بالوهم يخدع قلوب

#امين_الصفتي

يا عيون متشعبطه

يا عيون متشعبطه .طاله علي الشبابيك

بلاش تبصي بعيد ..اللي هناك مش ليك

#مين_الصفتي

مضروبين منها ميت قفه ‬

مضروبين منها ميت قفه ..

وشوية إقلام علي الوش

بس بردو فيها الدفا...

ولقمتها فيها الشبع

حتي لوكان مش

بتحبنا آه ماهي إمنا

بس بنت اللذينا

في عشقها بتغش

‫#‏امين_الصفتي‬

الحياه دي واحده صايعه

الحياه دي واحده صايعه

وإحنا فكه ف كيس فلوسها

تصرف فينا علي طول دراعها

مش بتفرق مين يدوسها أويبوسها

#امين_الصفتي

أيوه أيوه سعات بتعند

أيوه

أيوه سعات بتعند

وسعات يتخلف لما توعد

بس إزاي أنا ممكن أبعد

والسعاده في قربها

.

عمري

لو ينحسب عمري

حنب منها الثانيه بميت سنه

والحزن لويوم يقرب

يهرب

من وجودها وهمسها

فازاي ممكن أبعد

وأنا بعيش الهنا في عمرها

.

عيوني

لو عيوني تشوف ألوف

أو في وسط الحور أطوف

تبقي هي نور عيوني

بدر بتغطيه جفوني

وأشوف حلاوة الكون من ضيها

.

روحي

روح الروح وريحاني

وفي الشدة شيلاني

وساعت الحزن ضماني

تكون غنايا والحانى

أنا مش ممكن أبعد

دي هي الجنه بحسها

#امين_الصفتي

اشيل الروح من الروح‬

اشيل الروح من الروح .
لقيت روحي ماسك بروحي مبتسبنيش
اقول للقلب نسيك فلبك .
لقيت قلبي بنبض القلب يحيى يعيش
مابين قلب في القلب وروح في الروح
موت بفراق وعيشة حلاوة روح
‫#‏امين_الصفتي‬

قلب ميت .. بس الحياه سرقاه

قلب ميت .. بس الحياه سرقاه
لساه بيحلم ..ويتنهد ويقول آه
جوه منه شربان أمل
والاحتمال لو يكتمل
يعود حبيبه بطوق النجاه
‫#‏امين_الصفتي‬

ساكت.. لان كلمتي معادتش ليها لزوم

ساكت..
 لان كلمتي معادتش ليها لزوم
كلما أعاتب حضرتك ,
تغيبي بالكام يوم
ولاقي عكس ضحكتك
تكشيرة متصورة بالزوم
...
مبقتش تاني أهتم
ولا أشيل في قلبي وألوم
تصفالي لحظه برقتك
وأيام أبات مغموم
من إمتي كان في شرعنا
الحب إسمه هموم
..
حاولي مرة تسألي
أنا ليه بعود مهزوم
علشان بحبك إنما
دايماً بكون مظلوم
إنصفي مره وإعدلي
نفسي مرة بصبحتك
في الفرح أكون معزوم
...
كان  نفسي  ألاقي عشرتك
طيبة وحنان بيدوم
وألقلي مكان قسوتك
 جنه  منها  الزعل محروم
لكن خسارة محبتك
طلعت  عسل  مسموم
..............

#امين_الصفتي

نفس أكتبك وطن

نفس أكتبك وطن ..وألاقينى من رعاياه
يا أجمل دعوه أم ..وإستجاب الله...! ‫#‏امين_الصفتي‬