شفت الوطن حافي وولاده كسر إزاز دقئئت ليته أعمي مش لاقي ليه عكاز #امين_الصفني

شفت الوطن حافي وولاده كسر إزاز

دقئئت ليته أعمي مش لاقي ليه عكاز

#امين_الصفني

اللي غني ع الربابه .وقال دي بلد الطيبين كان بينده للديابه .ياكلو فيها آمنين #امين_الصفتي

اللي غني ع الربابه .وقال دي بلد الطيبين
كان بينده للديابه .ياكلو فيها آمنين
#امين_الصفتي

وفي الاوتار لحن يردد الجمال صداه تغنت به الاوراق عشقاً لعل الغائبين يعجبهم غناه #امين_الصفتي

وفي الاوتار لحن يردد الجمال صداه
تغنت به الاوراق عشقاً
لعل الغائبين يعجبهم غناه
#امين_الصفتي

من الصبر خدلك حبه .يا ابو قلب كله محبه واللي لحبك خباَ , بكرة تبان في عنيه #امين_الصفتي

من الصبر خدلك حبه .يا ابو قلب كله محبه
واللي لحبك خباَ , بكرة تبان في عنيه
#امين_الصفتي

خلاصة القصه

خلاصة القصه
 محدش بيينا إتوصي .
غير في الجرح والاحزان
مابين صاحب لنا باع ..
وبين حب اخره وداع
مفضلش لينا عير غصه ..
في قلب قتلته الاوجاع
....

نقول تاني
قلوبنا بس بتعاني .
من اللي بيسكنو فيها
واحنا بنصبح الجاني
لروحنا لما نهديها
لناس لا بتفهم العشره
ولابتعرف معانيها
حياتنا تشبه القهوه
خروج ودخول علي سهوه
لناسه هويتها في التعذيب
احسلنك وفر المشاريب
..
كررت المشهد ميت مره
وقربت الكدر مع الزوم
لقيتني في الوحده المره
بوفائي دايما مهزوم
انا شفتي حياتي كالحفله
وانا فيها ضيوف اومعزوم
بردان القلب من الجرح
متعشم دايما بالفرح
من ناس هوايتهم في القسوه
وضميرهم دايماً معدوم
..
اخر كوبليه
وياريتك تمشي عليه
كل اللي فات اوجاع
كان عمر لينا وضاع
مش ناقصه هي صداع
علشان نفكـــــــر فيه
#امين_الصفتي

ف جروحك طبطب علي روحك .هتلاقي جروحك بتلم مش فارق ضحكك من نوحك الناس مبقتش بتهتم #امين_الصفتي

ف جروحك طبطب علي روحك .هتلاقي جروحك بتلم
مش فارق ضحكك من نوحك الناس مبقتش بتهتم
#امين_الصفتي

كل الدفا في الوفا ف القرب والمسافات واللي بخله إكتفي عاش فرحة الجنات #امين_الصفتي

كل الدفا في الوفا ف القرب والمسافات
واللي بخله إكتفي عاش فرحة الجنات
#امين_الصفتي

فتنة عيونها للوقار بتخون وأغض بصري وجوا قلبي عيون سيف الهوي للقلوب دباح ورمش الملاح باقتلنا مأذون #امين_الصفتي

فتنة عيونها للوقار بتخون
وأغض بصري وجوا قلبي عيون
سيف الهوي للقلوب دباح
ورمش الملاح باقتلنا مأذون #امين_الصفتي

بردان ياقلب الجدع كتر الوجع عراك
من يوم غياب الحبيب والحزن هو غطاك
#امين_الصفتي

اللي حاسس بالوطن قلبه عايش في المحن اكتبو للحبه حبه القلوب تعبت شجن #امين_الصفتي

اللي حاسس بالوطن قلبه عايش في المحن
اكتبو للحبه حبه القلوب تعبت شجن
#امين_الصفتي

نظرتها ليه عديه بتفرح المساكين قلبي وروحي وانا بالشوق مستنيين #امين_الصفتي

نظرتها ليه عديه بتفرح المساكين
قلبي وروحي وانا بالشوق مستنيين
#امين_الصفتي

عيد سعيد يابهيه يا ام الهرم والنيل ضحكة عنيك عديه صرخة تشق الليل #امين_الصفتي

عيد سعيد يابهيه يا ام الهرم والنيل
ضحكة عنيك عديه صرخة تشق الليل
#امين_الصفتي

سألت وتر بيئن . عن لذة الاوجاع قال النغم مش فن. دا الحزن ليه إبداع #امين_الصفتي

سألت وتر بيئن . عن لذة الاوجاع
قال النغم مش فن. دا الحزن ليه إبداع
#امين_الصفتي

مسكت ناي الزمن وعزفت بيه موال طلع النغم باكي علي الفرقه والترحال #امين_الصفتي

مسكت ناي الزمن وعزفت بيه موال
طلع النغم باكي علي الفرقه والترحال
#امين_الصفتي

امان الزمان في اللقا . يجمع مابين قلبين دا الفرح بعد الشقا . العمر فيه عمرين #امين_الصفتي

امان الزمان في اللقا . يجمع مابين قلبين
دا الفرح بعد الشقا . العمر فيه عمرين
#امين_الصفتي

كتر الهموم هدك .والصبر ليك عكاز . محبوس في سجن الماضي . كالصوره في البرواز #امين_الصفتي

كتر الهموم هدك .والصبر ليك عكاز .
محبوس في سجن الماضي . كالصوره في البرواز
#امين_الصفتي

كل اللي فات اوجاع كان عمر لينا وضاع

كل اللي فات اوجاع
كان عمر لينا وضاع
مش ناقصه هي صداع
علشان نفكـــــــر فيه
#امين_الصفتي

بيع اللي فات ببلاش .تلقي الحياه تنعاش والعمر يصيح كاش تصرفه أفراح.! #امين_الصفتي

بيع اللي فات ببلاش .تلقي الحياه تنعاش
والعمر يصيح كاش
تصرفه أفراح.!
#امين_الصفتي

هي المدد والحضره وقلبي ميت درويش

هي المدد والحضره وقلبي ميت درويش
والوصل منها مقام
في حضورها طاب لي مقام
واللحظه مليون عام لما في رحابها بعيش.
يازمان وقف عندها ..
ومن عمري خد بقشيش
#امين_الصفتي

يرحم زمان الفن . الكل بقي بيزن ..

يرحم زمان الفن .
الكل بقي بيزن ..
والحرف طبله وطار
.
الفالسو بقي بيرن .
وودانا صابه الطن .
والعقل منا طار..
.

حتي الغنا عصابات .
قلبوها مهرجانت .
تسمع سريخ وصوات .
وكأنه نهيق لحمار
..
لامعني ولاكلمات ..
ولانغمه ولامقامات .
عهر ولاد وبنات .
وياربته حصل زار #امين_الصفتي

مغنواتي حويط.. رسم ع الوتر الحيط .واستني منه الصوت

مغنواتي حويط.. رسم ع الوتر الحيط .واستني منه الصوت
اوعي تقول دا عبيط... لو غني للمساخيط.. او شفت منه سكوت
كل الكلام إتقال ..في الغنوه والموال
بس البشر نساي فيهم جحود الموت #امين_الصفتي

ساكنه عيون قلبي . وعن عيني ليه بتعيبي

ساكنه عيون قلبي .
وعن عيني ليه بتعيبي
طيفك نغم طبال والفكر ليه موال
يرمح كما خيال ولاكنش يوم ع البال
أعشق انا تعذيبي #امين_الصفتي

تخيلو #مرتضي_منصور لو كتب شعر .. بصي يااموره يا عارفه اني بحبك

تخيلو #مرتضي_منصور لو كتب شعر
..
بصي يااموره يا عارفه اني بحبك
إتحققي من الصورة واتفاوضي بقي  مع قلبك
معايا ليكي سدهات وعندي تلفون عمك
لو قولتي مره فراق ..هطلع تلاته  دين إمك
#امين_الصفتي

قالو البخت له ناس وسوء الحظ بمقاس

قالو البخت له ناس
وسوء الحظ بمقاس
وقشرة تتحسب ماس
بتغر الطيبين
.
قلت قانون الدنيا متفصل
هتزرع خير هتتحصل
ولو بالشر تتنصل
اكيد باقي لبعد سنين
.
قالو دي قسمه ونصيب
تودي الدنيا وتجيب
واللي قلوبهم حمل
يكلها دايما ديب
.
قلت الددنيا خوافه
علي الطيب بتتعافا
ولو القلوب شوافه
ما وقعنا في الخاينين
.
رد الجميل عندها
وقسوه مع عندها
واللي يكون عبدها
في النار هناك ترميه
.
وعشت حياتي مطمن ..
لاكنت بظن ولااخمن
وظلم الدنيا يتهون
مادام احنا عليها صابرين
.
وشفت بعنيه كتير
ناس عيشه مالها ضمير
واللي ماليه الخير
في الشده ربه معاه
.
فيها بشر جاحد ..
مع ان الطينه واحده
في الزحمه والوحده
بيكونو ناس تانيين
.
وعشان كده اطمنت
للاخره بس عملت
وهي سكة سفر
بالحسني ليها دفعت

#امين_الصفتي

بنبدي ناس علي روحنا . في الاصل هي جروحنا . يبدو واكيد إحنا .. غاويين نكون ساذجين #امين_الصفتي

بنبدي ناس علي روحنا .

في الاصل هي جروحنا .

يبدو واكيد إحنا ..

غاويين نكون ساذجين

#امين_الصفتي

الكل غاوي يسيب . ويقول قسم ونسيب . شكله الوفا بقي عيب . واحنا اللي مفهمناش #امين_الصفتي

الكل غاوي يسيب .
ويقول قسم ونسيب .
شكله الوفا بقي عيب .
واحنا اللي مفهمناش #امين_الصفتي

عمر الزمن مابيمشي بالمقلوب

عمر الزمن مابيمشي بالمقلوب
حب الوطن لعبة وانتا فيها مغلوب
ارضي بنصيبك يابني والا هتتجن
وتمشي تحدف السما بالطوب
#امين_الصفتي

طول عمرك ياواد صايع ..

طول عمرك ياواد صايع ..
ومقطع ديول السمك
تبقي البعيد بايع ...
ويقولو ما ارحمك
تزرف دموع تماسيح
تكدب تقول تصريح
واهل النفاق بتصيح
ويقولو ما احسنك
انتا اللي حامي العرض
ووالينا سنه وفرض
ولو هنيجي الارض
هنلقي ناس تنصفك
ويقولو ما اعدلك
#امين_الصفتي

ياللي تشتري الرضا من ناس عمرها ماتودك

ياللي تشتري الرضا من ناس عمرها ماتودك
وماشي فوق عظام الجدود وبايع للعدي خدك ..
مسيرك يوم للتراب
وريني فين تلاقي تراب في ارض بعتها يحبك #امين_الصفتي

صوت الادان في الفضا

صوت الادان في الفضا .. بينادي في الميادين
والمخلصين في السجن ..والباقي مش سامعين
صوت الرصاص انطلق والكل صابو الخرس
مالطه مافيها احرار وفر غناك ياحزين #امين_الصفتي

كلمة فراق. تشبه سرادق عزا بين السطور

كلمة فراق.
تشبه سرادق عزا بين السطور
كل اللي يجي بعدها حزن مطفي مفهش نور
المعاني قهوه ساده .
الوجع فيها زياده
والقوافي كمنجه بتودع لحنها بعد موت كل الشعور
#امين_الصفتي

سبعين سنه يا عبيد .

سبعين سنه يا عبيد ..ولسه مفهمتوش
ان البطل والمنقذ .كان اصله من فنكوش
سبعين سنه بتقدسو بيدات
كبر الولد فيكم واتعلم العبادات
سبعين سنه ويزيد
ومعاويه بعد يزيد
وحمير وراه جحوش
#امين_الصفتي

المعادله مش تملي بتبقي عادله.

المعادله مش تملي بتبقي عادله.
كيميا كانت او حساب
والفروض نسب مغايره
والسؤال ليه ميت جواب
يعني مثلاً المسافه .
يحسبوها طول في عرض
وإحتسابها بيختلف.
في الهوي سنه وفرض
كل حاجه بتتبني حتي نص من الحروف
كل تقصير يتنسب للنصيب او للظروف
والفشل جوا العلاقه نقص جهد وي طاقه
انما الشئ الاكيد في البشر او في الحديد
والنتيجه هيه هيه
الفراق سببه دايما إنعدام الجاذبيه
#امين_الصفتي

صوت الحرف بيغني ..

صوت الحرف بيغني ..
معرفش لحظه كسوف
لمس الحنين ففتني ..
خلا المعاني تشوف
كل اللي كان متخبي
في لحظه بات معروف
البت لما تحب تنسي قوام الخوف
تمشي معاك الدرب لو حتي نار بطوف
اصل الوفا والدفا
لتنين بيبقو اصحاب
واللي يحب بجد
ينسي شريعة الغاب
وبالهوي يتوضي ويصلي في المحراب
يبقي الحلال نيته لو حتي ألف حجاب
اوعاك تسؤ الهبل وتكون قليل الادب
وتظن فيها السوء
خليك ياواد راجل
وعاملها انتا بزوء
تلقي الحياه جنه .وحلالها ليه هتدوء
دا الشرع احلي جنه
فيها الحنان بهدووووووووووووء
#امين_الصفتي

أيوه يا إسكندريه أيوه أيو أيوه

أيوه يا إسكندريه أيوه أيو أيوه

بيقولو البحر مالح بالفرح دايماُ طارح

يشفي كل اللي رايح والحزن هناك ينسوه

أيوه يا إسكندريه أيوه أيو أيوه

واناقلبي حزين ياماريه والدمع باين في عنيه

من ظلم الناس حواليه .. في هواكي نفس انسوه

أيوه يا إسكندريه أيوه أيو أيوه

انا نفسي اتهني شويه .. واتدلع جوه الميه

اغسل روحي وجروحي ..وأدوق حبة حنيه

أيوه يا إسكندريه أيوه أيو أيوه

انا جاي في التروبيني واللب اهو يسليني

واثصور واخد سلفي والفرحه تسكن عيني

والعمر هناك نعشوه أيوه يا إسكندريه أيوه أيو أيوه

#امين_الصفتي

ياعم الشعر مش مدنه وقلب البت مش كافر

ياعم الشعر مش مدنه
وقلب البت مش كافر
متاخد من المجاز هدنه
ولحد عيونها قوم سافر
وحلي عينيه بالبسمه
ترد وهي مبتسمه
بصمت جميل ملوش أخر
لكن بالشعر هتعافر.
هيطلع للظنون ضافر
هينهش قلب حبيته
لجل رضاها إكسبها
وبلاش علي الواحده تحاسبها
وخلي للبعاد أخر
لو بس تقوم تروح ليها
هتلقي عنيها تحكيلك
ونار البعد تشكيلك
واسمع منها وحاكيها
وروحك شمس حواليها
تدفي برد ايامها
وترجع فرح لياليها
ساعتها قولها من قلبك
وردد بالغنا حبك
لكن تسبها بتعاني
وتبقي في الهوي جاني
و كلمه واحده تسعدها
تشوفك فرحها وعيدها
فبلاش بالبعد تفقدها
واعمل للحنين خاطر
#امين_الصفتي

خيل الخيال رحال لف بلاد وبلاد... العشق ليه الميه والحلم هو الزاد #امين_الصفتي

خيل الخيال رحال لف بلاد وبلاد...
العشق ليه الميه والحلم هو الزاد #امين_الصفتي

الشعر اصله حياه ..للي حياتة مجاز لما تكون معناه .

الشعر اصله حياه ..للي حياتة مجاز
لما تكون معناه .. والصورة فيها الاه ... بننجمل البراوز
نص الحياه مرنجل ... فيها الدجل والوجل ..ولما حان الاجل ... نعرف سعاتها الله #امين_الصفتي

حجات بنسبها ومتسبناش . ومها حاولنا مبننساش وليه الماضي عايشينه ومش في حياتنا لاقيننه كأنا حاضرنا غيبوبه واحنا في غرفة الانعاش

حجات بنسبها ومتسبناش .

ومها حاولنا مبننساش

وليه الماضي عايشينه

ومش في حياتنا لاقيننه

كأنا حاضرنا غيبوبه

واحنا في غرفة الانعاش

.

حاولت أقله كرهاك ..

وكارها كل لحظه معاك

لو هتموت قصاد عينها ..

هتعمل عاميه مش شيفاك..!

.

لكني سكت...

وبرضه البت سابته يعاني

ولان صديقي

جروحه في روحي وجعاني

ومش عارف اخون نفسي

ولاارضي اني ابقي أناني

.

يابني هي باعت ..؟

وانتا ليه مشتريها ..

هي ضاعت..

والباقي منك بيناديها ...!

انسي يابني ودوس عليها

اللي مات ميعدتش حي ...

والحياه مش بس فيها ..

,

وفيه ايه لما الحروف تغني

وتداوي قلبه اللي انجرح

فيها ايا لما الظروف تبقي في صالحنا

وتصالح روحنا ع الفرح

#امين_الصفتي

جوا منك فيلم سيما منتجو منه الفرح

جوا منك فيلم سيما منتجو منه الفرح
والبطل دوبلير لروحك وقلبك انتا اللي انجرح
كل ما تعيد المشاهده تكتبو بحوار جديد
مرة بتخليه حزين ومره بتخليه سعيد
ورغم انه صنع ايدك ..نبضه مروي من وريدك
هو دايما وسط زحمه وانتا عايش بيه وحيد
تفتكر في ماضي يسوي .يأسرك زي العبيد ..؟
#امين_الصفتي

يجعل صباحك هنا يا مسحراتي المدن

يجعل صباحك هنا يا مسحراتي المدن
وتعود عليك السنه متشفش فيها المحن
بالخير علينا تطل ع السبحه عد الكل
بلسان يوزع فل بتصحي فينا الوطن #امين_الصفتي

الشعر مشربيه ..طاله منه بنيه .بالرقه والحنيه تغزل كلام من دهب الفتنه في حروفها . وان ضلت علي خوفها .او بان عليها كسوفها . دفايرها فيها العجب .! #امين_الصفتي

الشعر مشربيه ..طاله منه بنيه .بالرقه والحنيه تغزل كلام من دهب
الفتنه في حروفها . وان ضلت علي خوفها .او بان عليها كسوفها . دفايرها فيها العجب .! #امين_الصفتي

خبا دمعه اللي اتحذف من وجه ساكنه الكبرياء

خبا دمعه اللي اتحذف من وجه ساكنه الكبرياء
وضم قلبه اللي انكسر بضحكة خاليه من الرياء
وبدعوه خالصه من الجروح ..
من جوا روح .... دبحتها هيه بغدرها
وقالها
احنا ضحيه للظروف
اتمني ربي يسعدك وتلاقي فيه كل الوفاء
...........
#امين_الصفتي

يارب يارحمن إهدينا للايمان وحقق امانينا بالعتق في رمضان ...! #امين_الصفتي

يارب يارحمن إهدينا للايمان
وحقق امانينا بالعتق في رمضان ...! #امين_الصفتي

خسرتي كتير بفراقي

خسرتي كتير بفراقي
خسرتي حبي واشواقي
ومهما تلفي الكون
ومهما تشوفي عيون
لايمكن زي هتلاقي
واديني اهو بقوهالك
بكري لحضني تشتاقي
#امين_الصفتي

الماضي لو ورق . كان اتحرق . لما دبلة اغصانه الماضي يشبه فارس. العمر ليه سبق . واحنا حدوه في حصانه #امين_الصفتي

الماضي لو ورق . كان اتحرق . لما دبلة اغصانه
الماضي يشبه فارس. العمر ليه سبق . واحنا حدوه في حصانه
#امين_الصفتي

كان الكلام شافي .. في حضن الورق دافي .. والقلب فيه غافي .. لما كنا احباب

كان الكلام شافي ..

في حضن الورق دافي ..

والقلب فيه غافي ..

لما كنا احباب

صبح الكلام جراح ..

لما الحنين راح ...

واتوجعت الارواح ..

والحلم شفت سراب

منفعش يوم الصبر ..

ولاحتي ينفع جبر ..

كسر القلوب جمر

من حب كان كداب

ودي اول القصه الغدر فيها اتوصي..

والخيبه كانت خمره .. السكره منها بغصه

من اول النص..

رصيت محاسنه رص ..

حتي العتاب الحلو .قصيته بمقص ؟؟

سلمت ليه الروح وقلت هو البدن ...

موتها موت مدبوح

وعنها مش مسموح .

تلاقي حتي الكفن

واخرالاسرار .. الحب كان اعمي

لما بتبطبته استعمي .. وللرخيص اختار

|#امين_الصفتي

احنا حروف الصدق والدنيا دي كلمه

احنا حروف الصدق والدنيا دي كلمه
لجل المعاني تحق جات الحياه ظالمه
لم القلوب بترق تشرق معاني النور
واما بتنشق والحزن فيها يدق
تلاقينا طير مكسور شاف الفضا ضلمه
#امين_الصفتي