امين الصفتي: سبتمبر 2016

الأربعاء، 28 سبتمبر 2016

من غير ماتبكي

من غير ماتبكي ..
الدمع مكتوب بالحروف
من غير ماتشكي ..
الحزن فيك مش طعم خوف
الحزن فيه ريحة حبيب
سرقه النصب بإسم الظروف .......

#امين_الصفتي

الثلاثاء، 27 سبتمبر 2016

سعات الوقت يسرقنا

سعات الوقت يسرقنا ... ويرمينا علي الماضي
وألم الذكري يحرقنا ... يضيع العمر ع الفاضي..! #امين_الصفتي

الاثنين، 26 سبتمبر 2016

ورقه وقلم والقهوه .

ورقه وقلم والقهوه ..

والساعة داقه إتنين

ولحظة حنين والذكري ..

عاملين لروحي كمين

فجأة لقيت الماضي

فيلم تشوفه العين

والحزن جاي يحقق

نبدأ ياسيدي منين

قجأة همسلي العقل

بصوت حكيم ورزين

اللي يروح مابيرجع

مهما تمر سنين

والبعد ياموهوم حجة الخاينين ...!

#امين_الصفتي

الأحد، 25 سبتمبر 2016

الفراق بالوفاق

الفراق بالوفاق كسر من غير الجروح
بعد منه الاشتياق فعل فاضح جوا روح #امين_الصفتي

حنيت وبكيت لما لقيت البعد بيطول

حنيت وبكيت لما لقيت البعد بيطول
ورجعت قولت ياريت .ما عشقنا من الاول...! #امين_الصفتي

السبت، 24 سبتمبر 2016

باعزيزي.
الحب لايحتاج الي ترتيب للمشاعر كي نبوح بها في وقت معين
نحن نحتاج ان نكون علي سجيتنا
وان يعيد اللقاء البراءة المفقوده
وان نشتم رائحة العطر دون ان نقطف الازهار من اعصانها
ليس حبا ما يدعونا الي التنازل عن الكبرياء
عندما تضيع لهفة اللقاء
علينا الكف عن ترديد الكذبات
فقصائد الشعر لاتشتعل دفئاً ..دون حنين مبيت
او ضغينة الاشتياق
لهفي فقط علي دموع القلوب التي لم تجد سبيلاً
وباتت تشتعل تحت رماد الصمت

#أزهار_تحت_سنابك_الخريف
#امين_الصفتي

رصاصة القسوة من قلبك

رصاصة القسوة من قلبك ...

مطلوقه علي الحرافيش

يادايسه كل من حبك

ولو يهرب ..

رافضه يعيش

يا رافضه تقبلي الاعذار

وجاهله مشيئة الاقدار

إسألي نوتة الاشعار ..

عن العاشق وع الدراويش

وعلي مفتولك بحبل الود

وراضي بذله حتي العيش

يارصاصة حب يامصر

لابتجلي ولا بتطيش

#امين_الصفتي

الجمعة، 23 سبتمبر 2016

للحياه طعم تاني ..

للحياه طعم تاني .....بعد كلمة الوداع
زي طفل يتيم يعاني حس انه تاه وضاع #امين_الصفتي

الخميس، 22 سبتمبر 2016

أنا حزني لحن قديم مغرم بإغنيه .

أنا حزني لحن قديم مغرم بإغنيه ...
أنا وجعي أصله لئيم ميبنش ف عنيه .
أنا عله في جسم سليم من عشق جنيه ..
مهما يقولو تخون بقول دا كله ظنون
لاني واد مجنون .وعشقي ليها غيه
#امين_الصفتي

في عينيك معني الحياه

فيها سر دفين الشعر اوله ..

والعشق ليس منتهاه

ابحرت

فيها بحث عن طريق

ابحرت فيها طلبا للنجاه

#امين_الصفتي

الثلاثاء، 20 سبتمبر 2016

تغيير مسار

تغيير مسار ..

بإختصار

في الغروب بنت قاعده ..

وفي عنيها حلم ضاع

مركبه في الحزن شارده ..

والوجع مليون شراع

والحكايه من دقائق ..

بعد لحظة الوداع

بس رافضة الانكسار

الثواني تهد فيها

والظلام داخل عليها

وجوا منها ميت سؤال

والجواب رد بندم

شئ حصل ولافي الخيال

والنتيجه أكبر ألم

جايه من سوء إختيار

هي حبت وبضمير

حد شاطر في الخداع

والنتجيه أسوأ مصير

هيه شاريه وهو باع

مين يصدق إن وردة

تندبح بايدين جبان

والملام هيكون عليها

ويتنسي ذنب اللي خان

آه عليها م النهاردة

والكلام سكينة باردة

حتي لو كان بالهزار

بالامل داوت جروحها

بعدها قالت لروحها

انتي بعده مش وحيده

انتي وردة لكن عنيده

صعب تقبل بالهزيمه

صعب تحس الانهيار

فكرت بهدوء شويه

الفراق مش قضيه

بالسلامه ياللي بايع

الخسارة مش عليه

صعب أعيش دور الضحيه

احنا بس الطيبين

ع الفراق تبكي السنين

ع ال حاصل وال صار

وده يادوب تغيير مساار

#امين_الصفتي

عيونك مطر وقلبي عطشان

عيونك مطر وقلبي عطشان
والهوي سفر ونبضي ليه ربان
يتغني بيكي حنيني
ولو الدموع ترويني
بلقيكي نور عيني وطن وبر امان
#امين_الصفتي

الاثنين، 19 سبتمبر 2016

هي باعت ..

هي باعت ..؟
وانتا اللي لسه مشتريها ..
هي ضاعت..
والباقي منك بيناديها ...!
انسي يابني ودوس عليها
اللي مات ميعدتش حي ...
والحياه مش بس فيها ..
#أمين_الصفتي

الأحد، 18 سبتمبر 2016

أسئله والاجوبه آهه ودموع

أسئله والاجوبه آهه ودموع ...

ليه الحنين جوه القلوب عايش سنين .؟.

مع إننا متاكدين إن الوداع مفهوش رجوع ..!

الزمان علم بجرح ..

جوا قلب الطيبين

الزمان نسيان وفرح

للي خان العاشقين

والحكايه هي هيه من سنين متغيرتش

القلوب اللي تبيع من البدايه مشترتش

احنا بس اللي انخدعنا

بالحنان وي الحنين

والوجع في زمنا دايما .. من نصيب الطيبين

عاش حزين بعد الفراق ..

زيه كل المجروحين

جوا قلبه كان شايلها

نهر جاري للحنين

هيه نسيت اللي فات

حبه من جواها مات

حتي كلمة ذكريا

متقرتش من سنين

واللي الحكايه حد حب

وحد عمرة ماكن له قلب

يبقي ليه بنعيش في حزن

مع إننا متاكدين إن الوداع مفهوش رجوع ..!

#امين_الصفتي

مدهشه..ورائعه ..وراقيه ..

مدهشه..ورائعه ..وراقيه ...
كدمع ترقرق في جفون فاتنات
فادهش الحسن فيها
فصار الانين شدوا
تغزل به الشعر أبيات
ومن روعة الصانع
مر العابرون بالمصطنع من الكيد
فحمدو الله علي ما اوتو من حسنات
ببراءة الملائكة ترتل الترانيم انثي ...
وتصوع الاتهامت انغام فتسحر الشاهدين بالعبرات
من نجا من دفئ الافاعي
تاه في سراب عظيم
وإن كيد امراة واحدة قتن امة الرجال سنوات
رفقا يا قريرة العين
فالرمادي تحت الرماد
وكل ألوان الفصول تاهت في فضول الحسن والنظرات
تفاحة واحدة
دفع فيها أدم ثمنا من الشفاء
ومهما كان الايمان بالسواد والبياض
قشرائع الود تسنها النساء آيات
#امين_الصفتي

الجمعة، 16 سبتمبر 2016

يقول الشعر اننا نحب .

يقول الشعر اننا نحب ...
وتسرد الايام القصة علي هواها ...
تشقينا المسافات مرة تطول فنبكي ومرة تتلاشي فنفرح باللقاء ....
وتبقي النعاية بيد الاقدار ,,,,
يقول الشعر اننا نحب.... فهل الاقدار تجيد الرحمة بالعاشقين ..

#امين_الصفتي

مازال قلبي قادراً علي الركض ..

رغم ألف جرح ...

بتوهم أنه سيف وأنك الغمد

مازال فكري شاردا الا منك

ويحسب انه طير وذكراك فضاء .

وأن الالم رعد

مازالت روحي تظن أن موت منك قضاء وقدر

وان الكفر بالانتظار ذنب

ولاتوبة لمن لم يحفظ العهد

مازلت البراءة في مهدها

وأطلب منك أن تسأل الله عني

هل العذاب منك فرض

#امين_الصفتي

القرحه بنت الدنيا .

القرحه بنت الدنيا . ودي دنيا مشيها بطال
ياللي تأمن لها ثانيه ... دي كل ساعه ف حال
علي الاصيل سايقه دلالها
غانيه واالغوي حالها
دي دنيا رقاصه ....وأبوها في الاصل طبال ...!
#امين_الصفتي

الأربعاء، 14 سبتمبر 2016

أنا اللي عنيكي دبحتني

صبحت أعيش

لازاهد أنا في الهوي ..

ولا في الاصل درويش

لكن مركبي علي قدي

يادوب بالعافيه بتعدي

ولو حبك بعيد عن يدي

أكيد حبك ما يلزمنيش

#امين_الصفتي

وملنا عليهم وضللنا.

وملنا عليهم وضللنا... وكنا ليهم ضل

وحبهم ابليس ضللنا ..وراحو والحزن فينا ضل

مساكين ياعايشين بالطيبة

صبحت برائة القلب عيبة

واللي يكون ملاك وسط البشر يتذل

#امين_الصفتي

الثلاثاء، 13 سبتمبر 2016

ياعاشقين.؟ اذا كانت حروفكم دموع ... والمعني كله خضوع ذنب الفراق علي مين .... #امين_الصفتي

ياعاشقين.؟
اذا كانت حروفكم دموع ...
والمعني كله خضوع
ذنب الفراق علي مين .... #امين_الصفتي

خمسة اعوام

خمسة اعوام ولم يسقط النظام

والشعب لاجئ.. و غريق .. وتحت الركام

خمسة اعوام

بين الجوع وتكسير العظام

والعرب موتي

والعالم نيام

لكي الله يا ارض الشام

#امين_الصفتي

السبت، 10 سبتمبر 2016

كل عام وانتم بخير .

كل عام وانتم بخير ..الأقرايب والحبايب

والصغير والكبير .. والبعيد والقريب

واللي فاكر واللي ناسي

واللي من بعدة بقاسي

كل عام وانتم بخير ..خييييييييييير كتير

#امين_الصفتي

الجمعة، 9 سبتمبر 2016

ليست الاوطان دائما تمنح الحياه .

ليست الاوطان دائما تمنح الحياه . فكم من منفي كان طوق نجاه ..!

#امين_الصفتي

الأربعاء، 7 سبتمبر 2016

قد كنت لي شدواً وألحانا

عندما كنت روحا لأنسانا

واليوم سقط قناعك فاضحا

وظهر جليا ذئا وشيطانا

دعني ووهمي فيك يجلدني

قد صرت للحزن صك غفرانا

#امين_الصفتي

الاثنين، 5 سبتمبر 2016

من فينا كان نبي

من فينا كان نبي ...
ولا الاوليه ولدوه
كلنا ولاد ادم والاخ يقتل اخوه
انا بردو باعمري زي زي البشر
مره اكون حنيه ومرى اكون حجر
الرك عليك انتي
فالطرح ابن الشجر
يعني عمري ما اكون الاسوه وانتي حنيه
مع اني دايما بسمة والدمعه مخفيه
قمتحكميش ياملاكي علي النظرة ف عنيه
انا يادوب مرايه وانتي اللي باصه فيه
#امين_الصفتي

ويجيئ يوما وتري الدماء تسيل

دون ان يمس الجرح جسد القتيل

وتري خنجر الحب في القلب خاشعاً

والعين تبكي

ولادمع في الاجفان يروي المناديل

هكذا الحب يا جنتي

ذنب يحسدنا عليه كل التائبين

#امين_الصفتي

كل صباح نرتدي حنين الحداد علي احد الراحلين

كل صباح نرتدي حنين الحداد علي احد الراحلين
ونجلس في سرادق للحزن نردتي ثوب الوحدة
ظنا منا اننا عاشقين
وفي الحقيقه نحن مرضي فقدت منهم اشياء وظل يبحثون عنها في السراب
كل صباح نغلق ابواب الصباح ونفتح نافذة الامس نطل علي الماضي وهو يبتعد ونبتسم يدموع لاتري النور
كل صباح لانتعلم من درس الامس ونظل نذاكر في المواد التي لااعادة فيها
ونجدول حياتنا علي اننا من السير للامس سنصل للعد
كل صباح ونحن مازلنا واهمون ...!
#امين_الصفتي

الأحد، 4 سبتمبر 2016

لاتعودي فما خضع يوماُ للريح النخيل

لاتعودي فما خضع يوماُ للريح النخيل
والكبرياء تاج لايسقطه سيف الرحيل #امين_الصفتي

السبت، 3 سبتمبر 2016

أحاول اتقان الكلمات

أحاول اتقان الكلمات كي احدثك بلغة
تليق بك ياجميلة الجميلات
احاول ان اكون سفيرا اودبلوماسيا
كي احددثك كما يحدثون الاميرات
احاول ان اصنغ المعجزات
فانتي يا خرافيه كل ما لدي من أمنيات
#امين_الصفتي