الرحمة تجوز علي الساكتين
في بلاد القهر مع الزنازين
هتكلم مين وتخاطب مين
والموت محاوطنا شمال ويمين
انا شايف فيلم التحويله
متجسد في الزمن الحالي
عتريس .. وبتوع الاتوبيس
لقطات تتكرر في خيالي
والخوف من خوفه اوحالي
الصمت بقي اهون اوحالي
والشعر مجاز ..
والشاعر اصبح عكاز
عكازوعجوز ..
كان ينفع يصنع ابطال
او يرفض يبقي الطبال
من خوفه وجوفه وظروفه
مات خجله مع باقي كسوفه
وبدون مايعوز او حتي يجوز
اختار يبقي الارجوز
فبلاش تحرجنا بكلماتك
وبلاش تتعري امام ذاتك
الصمت طريق
تمشيه في الضيق
وتداري دمعك واهاتك
لو فاتك .
فرعون وسحره الإعلام
بيبعو وينكسو أعلام
وسكوتنا مش صمت كلام
دا سكوتنا كان يأس العاجز
مستني حكم الاعدام
وكفاية كلام ...!
#امين_الصفتي
ليست هناك تعليقات:
إرسال تعليق