الليل سجان .
مع انه يبان مسجون في حيطان .
ولايقدر يطلع بره السور
معذور.
عشمان احلامه تشوف النور .
ويبدل حزن حبايبه سرور
بيبان خوان .
مع انه إتخان .
من ضل جبان .
خاد منه الضي. وسابله ظلام
ولاحدش طبطب مرة عليه .
ولاقال لضي إرجعله حرام
.
الليل خواف .
لو حس وشاف .
الفرح في مره
بيلعب بيه .
تلاقيه رهوان .
وبعزمه ينادي الفجر .
إلحقني قوام .
افراح الناس عملتي زكام .
اديني الإذن أروح بدري ,
انا روحي هتطلع من جدري ,
ويبان عيان
مع انه مربط مع أحزان
يتلاقو لحد الفجريه
وينادي اوجاع .
في قلوب الناس
يزرع وسوسواس
من ذكره قديمه ومنسيه
.
الليل . يتألم .
مجروج من الروح ولابيسلم
يتكلم كل لغات الكون .
وبليغ .وبديع . معني ومضمون .
ويجيد الدمع مع الاحزان .
مع انه ياعيني ملهوش لسان .
بيغني انغام .موزنه تمام .
وبيعزف بروح فنان ..
.
الليل بيسافر في الازمان .
مع انه مارح ولا جه في مكان .
تلاقيه بيدلك للعنون.
من غير سؤلات وحتي سلام
الليل إنسان .
مقتول أحزان .
وسواده دي اصلا أكفان .
الليل بيضل .
ولايعرف ضل .
وإن كان الكل .
عشمان يداريه
#امين_الصفتي
ليست هناك تعليقات:
إرسال تعليق