هسافر ..ومتسألونيش

هسافر ..ومتسألونيش
متسالنويش ..انا ليه سيبها ومهاجر وغيرها مهليش ...
.اناليه بطير بعيد عنها ..وهي جناحي وهي الريش
انا ليه ببص لوطن غيرها ..وانا بعشق نيلها وترابها ..
وذكري جميله ع الكورنيش...

بقيتي يامي تفرقي بين الاحباب ,,,
بقيت احس في دروبك اني كما الاغراب ...
واحد تهنيه وواحد تسقيه العذاب ...
واحد عليه تطبطبي ..
واحد بكل مافيك تضربي  ..
وصابر ومها تغضبي بقول بوس رملك وي التراب
ولو مره تندهي او تقولي الاهاه ,,
بكون لألمك اول الخطاب
علشان كده هسافر ..ومتسالونيش

هسافر وعارف اني هتغذب بعيد عنها
وطول سفري هفضل احنلها ...
دنا في نهارها وليلي كنت بغنلها ..
هسافر وعارف اني هبكي وانا بردد مواويلها
لكني لازم اسافر عشان اعيش ..يمكن اعيش...متسألونيش

هسافر وكل دروبها في خيالي ....
ووصوت زحامها في سمعي بيلالي ..
وبكتب رسايلي ومرسالي
ومهما صادفني بلاد غيرها مش هيحلالي
لكن لازم اسافر علشان اعيش ..يمكن اعيش ..متسألونيش