عشمان يكون لي وطن
واعيش كما الانسان
ويكونلي حضن وسكن
ولا اكونش فيه متهان
لكن بقالي زمن
مابشفش من الاوطان
غير ظلم وذل ومحن
وكأني بين قضبان
خايف يجيني الكفن
قبل الزمان بزمان
ولاقي حلمي اندفن
من خوفي من السجان
عشمان أكون متهني
ولا اقفش جو طبور
والفقر يبعد عني
واعيش كمان مستور
عمال لنفسي امني
واستني ييجي الدور
الحظ يهرب مني
وكأني جو السور
مالك كدة ياوطن
علينا واحنا ولادك
وتعني لحن بشجن
للي يخونو ترابك
ليه تكون ياوطن
جنه للاغراب
واحنا اللي دفع التمن
يكون غموسنا تراب
انا عشمي يكونلي وطن
مش بطلب الاحسان
#امين_الصفتي
ليست هناك تعليقات:
إرسال تعليق