مع إنها متأكده
إن الحياه رَّحا , بتطحن أفئده
وإن اللي بينا حبة بذور
لو تتبدر في أرض بور
كانت هتطرح لينا جنه مؤكده
.
وبرغم كده
رضيت يكون كاس الفراق
مأسوم مابينا علي السواء
وبدون رضا أو إتفاق
قالتي بلسان الوداع
بختك كده ,
مشيت وقلبي بيتوجع
بعيون وساع مشيت معاها للمدي
غاب الندا وي الصدا .
وأقمت للبعد صلاه
كانت صلاة الاشتياق
توقيت حنينها مع الوجع
في الفقد سنة مؤكده
مع إنها متأكده
إن الحياه رَّحا , بتطحن أفئده
وكانت لروحي أقسي رَّحا
ليست هناك تعليقات:
إرسال تعليق