هغنيلك يامصر... كمان وكمان

هغنيلك يامصر... كمان وكمان
هغنيلك ... علي نيلك ...
وارجعلك مواويلك ... ونسهر مع ليلك زي زمان
هغنيلك وهاحكيلك ...
ع اللي عاشقينك ... واللي شريينك
واللي حاسينك امهم ... وحضن أمان
هغنيلك يامصر... كمان وكمان
علي شايلينك في قلبهم . في كل مكان ...
واللي يهديك البسمة .. في ساعة الاحزان
والي يدعليك بانجيلو وبالقراءان
يالي ارضك واحة العلم والاديان
هغنيلك يامصر... كمان وكمان
هغنيلك غني الطير ع الاغصان
وانا فلاح وبزرعلك في الصحاري بستان
وانا العامل وبصنعلك من العرق فستان
وانا جندي بعلي الرايه في الميدان
بغنيلك وانا ليك الابطل وانا الفرسان
هغنيلك يامصر... كمان وكمان
هغنيلك وغناي من قلبي ومش بس كلام
عايشينك عشقنا .. حسينك احلي غرام
شايفينك يا امنا جنة الاحلام
هغنيلك يامصر... كمان وكمان
‫